انا احمد طرطور خريج تربيه رياضيه جامعه الزقازيق 😃 معايا دورات تدريب سباحه وغوص من الاتحاد المصري ومعايا
تلات مستويات تدريب من الاتحاد الامريكي للسباحه وعضو الجميعه الامريكيه لمدربين السباحه
Jمن ضمنهم كورس تحت ايد مدرب مايكل فيلبس اه والله 😊
تاني جمهورية سباحه اشتغلت في انديه كتير من وانا في الكليه بدائت منقذ حمامات
سباحه ومعلم سباحه ومدرب سباحه ومدير عام حمامات سباحه
ورحت الساحل الشمالي دربت ولاد وزراء وسفراء ودبلوماسين
بقيت ايه ؟
سيبت كل ده وبدات اخد كورسات برمجه في معهد القوات المسلحه في اخر 2008 اول2009 وكان
الفاصل ونقطه التحول والتحدي بالنسبه ليا ان اصحابي في الثانوي الي خارجين حاسبات
قولي ليا انت يابتاع تربيه رياضيه هتشتغل بالاوراكل احنا مش عارفين نشتغل الحمد
لله خلصت الكورس من المعهد بقيت سرتفيد وعرضت على المعهد اني ادرس الكورس ومدير
المعهد وثق فيا وخلاني ادرس والحمد لله كنت عند محل ثقته .
و عشان انا خريج تربيه رياضيه كان صعب الاقي شغل بسهوله عملت ايه طبعت السي في لفيت
علي شركات كتير جدااا لفيت القريه الذكيه كلها علي رجلي طلعت عمارات العبور كلها
عماره عماره ودور دور بالمناسبه 38عماره العماره 16دور لافيت التجمع الخامس كله
والحمدلله اشتغلت واشتغلت في كذا شركه منها الخاص والحكومي وقطاع البترول والمالتي
ناشونال وقطاع الأعمال و درست لطلبه لكتير جوه وبره مصر اكتر من 9000 طالب ودرست
لموظفين بنك مصرف ابوظبي الاسلامي نزلت اكتر من 20افينت بتكلم عن البرمجة وأهميتها
وازاي تعمل كارير بلانيج حصلت على دبلوم دراسات عليا علوم حاسب بتقدير عام جيد جدا
من الاكاديميه العربيه للعلوم والتكنولوجيا والنقل البحري J وحاليا باحت ماجستير في الذكاء الاصطناعي مؤلف كتاب طريقك_للبرمجة
ومقدم محتوى برمجي وتعليمي علي اليوتيوب