البطلة الجميلة وعد


البطلة الجميلة دي اسمها "وعد" عندها 15 سنة من ذوي الهمم

وعد بنوتة ذكية جداً وطموحة وعندها إصرار وعزيمة وصممت إنها تكمل دراستها حتى لو هتكون متأخرة شوية عن زمايلها، المفروض إنها تكون في 1 ثانوي بس هي حالياً في 2 إعدادي مهني، وحقيقي أنا بشجعها جداً إنها قدرت تكمل دراستها رغم الظروف

وعد مش بس كملت دراستها لا هي قدرت تحول الإعاقة لطاقة ونجاح في الرياضة لحد ما حققت إنجازات  عظيمه زي

إنها بطلة الاشقاء العرب فازت بإسم مصر بالمركز الأول في لعبة الفيتنس على 15دولة عربية

فازت بالمركز الأول بإسم مصر على خمس دول عربية فى بطولة الامارات الافتراضية

فازت بالمركز الأول في الأولمبياد الخاص ألعاب القوى 

فازت كثير جداً بالمركز الأول والثانى في بطولات جمهورية

فازت أكثر من مره بالمركز الأول في بطولة الجمهورية في الكاراتيه

فازت فى فريق فنون شعبية استعراضية لقصر ثقافة الشاطبى لمتحدى الإعاقة واتكرمت من وزير الشباب والرياضة

وكمان وعد كانت مرشحة لمقابلة الرئيس

حقيقي أنا فخورة بيها لأبعد حد، وكل اللي يعرف وعد أو ميعرفهاش لازم يكون فخور بيها لأنها بطلة من أبطال ذوي الاحتياجات الخاصة

ومتأكدة إنها هتوصل لأكثر من كدا بكثير بإذن الله، دعواتكم للبنوتة الجميلة "وعد" بالتوفيق في كل اللي جاي


أنت يا خريج تربية رياضية هتشتغل فى البرمجة
أحمد طرطور